დაილოცოს კენია! არა, ობამა რა შუაშია, გაცილებით დიდი დამსახურება აქვს კენიას მსოფლიო მასშტაბით როგორც... ყავის სამშობლოს. ეს პოსტი (ჩანაწერი ახალქართულად) მინდოდა ყავის დადებით და უარყოფით თვისებებზე დამეწერა, მაგრამ ჯერ მარტო ქართულად, იმდენი რამეა უკვე დაწერილ–გამოკვლეულ–ინტერნეტში გამოფენილი, რომ უბრალოდ copy-pasteს კეთება მომიწევდა. ამიტომ უბრალოდ პირდაპირ დასკვნას დავწერ :) . თვით ანტიყავისტებიც კი აღიარებენ, რომ ყავას სარგებლობა ბევრად მეტი მოაქვს, ვიდრე ზიანი, ხოლო ყავის სმის სიხშირესა და რაოდენობაში, ისევე როგორც ყველაფერში (!), საჭიროა დავიცვათ ზომიერება, ოქროს შუალედი, 1.6, phi...
ერთი სიტყვით, ქვემორე ვიდეო ეძღვნება ყველას, ვისაც, დილით ყავის დალევას თუ ვერ მოასწრებს, ორ საათში უკვე ორთქლადენილი მუქი–მუქი სითხით სავსე ფინჯნები ელანდება ( არავითარი კრემ–რძე და თხილ–ვანილები) dedicated to coffeeholics
ჩემი შვილიკო, ისევე როგორც სხვა ქართველი ბავშვები, პირველ კლასში ანბანს და ასოების წერას სწავლობდა. ასო "მ"–ც ისწავლეს და მასთან დაკავშირებულ სიტყვებს შორის– "მუხა". სამი დღე ასწავლიდნენ ბავშვებს, რომ მუხა საქართველოს სიმბოლოა იმიტომ, რომ ძლიერი და დღეგრძელია, ამაყად ვარჯგაშლილი დგას, ურიცხვი მუმლ/მტერი ვერაფერს ვნებს ამ საუკუნოვან ფოთლოვანს, რომ ზოგჯერ იმხელა ზრო (ხის ტანი) აქვს, რომ ორი ადამიანი გაშლილ ხელებს ვერ შემოაწვდენს და ა. შ. და ა.შ. ქართულის გაკვეთილს მოსდევს მათემატიკის და აი, მათემატიკის წიგნში ხსნიან ამოცანას: "ეზოში დგას მუხა. მუხას აქვს სამი (?!) ტოტი. თითო ტოტზე ორი ვაშლია (ჰა?!). რამდენი ვაშლია სულ მუხაზე?" (ავტ. რუხაძე. I კლ)
წიგნი დამტკიცებულია ვაშლიანი მუხების სამშობლოს განათლების სამინისტროს მიერ.
რამ(ო)დენიმე წლის წინ მორწმუნეობა მოდაში შემოვიდა. ტაძრები ივსებოდა ჯინსებზეთავსაფარშემოხვეული, ჯერუსვირინგო–ჰიპერტრიქოზიან მუცელგამოჩენილი თინეიჯერებითა (მოზარდი ახალქართულად) და ვარდისფერი, გაუგებრობაში მოყოლილი ბამბისქულა ბაიების წინადღეს(მეორე დღისთვის)სოლარიუმში ნამყოფი ან სახეზე სქლადტონალურწასმული დედიკოებით. მღვდლის ხმას ფარავდა შემდეგი შინაარსის ფრაზები:
–ვაიმე, ბევრ ხალხში ცუდად ვხდები, არ შემიძლია.
–შენსას ლოყებზე ისევ დიათეზი აქვს ხო? ისევ „იმ“ დერმატოლოგთან დაგყავს, 50 ლარს რომ იღებს? იმიტომაც ვერ მოურჩა. ჩემი 40 ევროს მართმევდა და ყველა მეუბნება, შენნაირი ლოყებგაპრიალებული ბავშვი არ გვინახავსო.
–როგორ ვუთხრა მამაოს, ამ გაქანებულ მარხვაში ყველის მონაჭრელი დანით მოჭრილი პური შევჭამე–თქო? ხო ვიქნები ღირსი არ მაზიაროს ამის გამო? მარა რა ჩემი ბრალია, იმ ჩემმა სასიკვდილე რძალმა მომაწოდა ის დანა, 3 თვეა არ ველაპარაკები და აჰა, სამაგიერო გადამიხადა.
–ის, რუსთაველზე საახალწლოდ დაკიდებული ჭაღები თითო ორმოცი ათასი დოლარი ღირს თურმე...რა ცოტა ჩუმად, ხმამაღლა ვლაპარაკობ ახლა მე? სულ დაკარგეს ნამუსი, ამ ხნის კაცს როგორ მიბედავ, ტაძარში მაინც არ იყო... ღმერთო შენ გვიშველე.
–როგორ გაგატარო, ადგილი რომ იყოს, მეც ხომ გადავიდოდი... ხოდა, სტიქაროსანი რომ ხარ, შვილო, მეტი მოთმინება გმართებს... რა ვუყო ახლა მე, მოძღვარს თუ გავლა უნდა, მეორე მხრიდან მოუაროს, ჯერ ფრთები არ მაქვს, რომ ავფრინდე...
ამდაგვარ ფრაზებს ფონს უქმნიდა არცთუ იშვიათად აჟღერებული მობილურის ზარები, ფრენჩკანკანიდან დაწყებული, გომართელის ენერგიული სიმღერებით დამთავრებული. განსაკუთრებით საქმეში ჩახედულები და ალღოიანებიხვდებოდნენ, რომ მოძღვრის პირით წმინდანი საუბრობდა.
ყოველკვირეული წირვებზე სიარული მყარდებოდა რამ(ო)დენიმე მონასტრის დათვალიერებით ვისუფრომეტფასიანი ბოტასებითა და „სახლში დატოვებული“ მანქანის
ზღაპრები (მცირეწლოვან) ბავშვებზე გავლენას რომ ახდენენ, ამაზე ბევრი ნაწერ/ნაკითხ/ნათქვამ/მოსმენილი გვაქვს. მაგრამ ეს გავლენა რამდენად დადებითია სხვადსხვა ზღაპრის შემთხვევაში, არამგონია ბოლომდე იყოს გარკვეული. ზღაპრის ძირიდათი მიზანია სხვადასხვა ზღაპრული hack პროგრამებისა და cheat-engineბით (როგორიცაა, მაგალითად, ჯადოსნური ჯოხი, სუფრა ან ხალიჩა, ნატვრისთავლი, speed-up ჩექმები) დაეხმაროს წუწუნა და პრობლემებიან სიკეთეს ჩლუნგ და უიღბლო ბოროტებაზე გამარჯვებაში.. ეს მიზანი ზოგჯერ ისეთ საშუალებებს ამართლებს, ე.წ. "ჰორორ" (საშინელებათა) ფილმებსაც კი შეშურდება.
შედარებით მსუბუქი კატეგორიის ზღაპრებში ხშირად გამოიყენება ისეთი ანომალიური ანატომიურ–ფიზიოლოგიური პროცესი, როგორიცაა ცოცხალი ორგანიზმების ჩაყლაპვა–ამოყლაპვა. გახსოვთ, ალბათ, სტომატოლოგიური მიდრეკილებების მქონე კომბლეს ცხვრების სამდღიანი ვიზიტი დათვის ფაშვში დასრულებული უკან ამოყლაპვით, პინოქიო–ბურატინოს პაპა კარლო–ჯუზეპეს ცხოვრების წლები ვეშაპის კუჭში, წითელქუდასა და ღვეზელების მოყვარული ბებიის იძულებითი ხანმოკლე სტუმრობა მგლის მუცელში ( თუმცა ამ უკანასკნელმა ფიზიოლოგიურ ამოყლაპვაზე უარი განაცხადა და საკეისრო გაუკეთეს).
მძიმე კატეგორიის ზღაპრებს უნდა დაერთოს ლოგო "+12", რათა იქ მოყვანილმა სპეც–ეფექტებმა სუსტი ყელის...არა, სუსტი ბრონქების...არა, სუსტი კუჭ–ნაწლავის....აა, ჰო, სუსტი ნერვების მქონე ბავშვები პოტენციურ ჰიპერ–აგრესიულ "მძიმებავშვობიან" მოზარდებად არ აქციოს.
ამ კატეგორიაში შემავალი ასორტიმენტიდან განსაკუთრებით ეფექტური სამეული ასე გამოიყურება:
III ადგილი : "ფიფქია და შვიდი ჯუჯა"
შეგახსენებთ ზღაპრის მოკლე შინაარსს: გარდაცვლილმა ცოლმა გაციება ვერ მოასწრო, ფიფქიას მამამ მეორე ცოლი მოიყვანა. სადიზმისკენ მიდრეკილმა სტანდარტულად ბოროტმა და არასტანდარტულად ლამაზმა დედინაცვალმა ქვეშქვეშა და ინტრიგანი სარკის გავლენით მსახურს ფიფქიას დაკვლა და ძირითადი შინაგანი ორგანოების ასორტის მოტანა უბრძანა. ტყეში გაურკვეველი საუბრის და კიდევ უფრო გაურკვეველი საზღაურის ფასად მსახურმა ფიფქია გაუშვა. შემდეგ ფიფქია მოხუცის მომვლელად,ძიძად, დამლაგებლად, მზარეულად და ცხოველების მომთვინიერებლად იწყებს მუშაობას არც მეტი, არც ნაკლები, შვიდკაციან სახლში. პატიოსნების განსახიერება დედინაცვალი ვერ უძლებს ოჯახის შერცხვენას და აპრობირებული ვაშლის მეთოდით ცდილობს მის თავიდან მოშორებას. თუმცა ჩვენს lucky ფიფქიას ნეკროფილი პრინცი ევლინება გამსაღებლად და ბედნიერი ცხრაკუთხედი (7+1+1) ერთად იწყებს ცხოვრებას.
1. მიმღებ განყოფილებაში მოხვედრისას ავადმყოფს გული გაუჩერდა და თავი უკეთ იგრძნო. 2. მეორე დღეს მუხლი უკეთ გამოიყურებოდა, მესამე დღეს კი საერთოდ გაქრა. 3. ავადმყოფმა გაკვეთაზე უარი განაცხადა. 4. ანამნეზში სუიციდი არ აღინიშნება. 5. მიუხედავად გაფრთხილებისა, ავადმყოფმა განავალი მაინც სხვა კლინიკაში დატოვა. 6. ავადმყოფი ყინულზე წაიქცა და ფეხები შუა დეკემბერში ურთიერთსაპირისპირო მიმართულებით გაუცურდა.
ოქროს კვეთის თეორემა ასე გამოითქმის: ოქროს კვეთა არის მთელის ისეთი გაყოფა ორ, ერთმანეთის არატოლ ნაწილად, როდესაც დიდი ნაწილი ისე შეეფარდება მთელს, როგორც მცირე ნაწილი - დიდს. გეომეტრიაში ოქროს კვეთას საშუალო და კიდურა შეფარდებით გაყოფასაც უწოდებენ. უფრო გასაგები რომ იყოს, განვიხილოთ მონაკვეთი.
თუ C წერტილი AB მონაკვეთზე ისეა შერჩეული, რომ AB/AC=AC/CB, მაშინ ვიტყვით, რომ C წერტილი AB მონაკვეთს ოქროს კვეთის პროპორციით ყოფს.
სამყაროში, ყველაფერი გარკვეული კანონზომიერებით, პროპორციითაა აგებული, მიუხედავად მისი ქაოსური ბუნებისა და მრავალფეროვნებისა, თუ შევეცდებით ყველაფერი კონკრეტულ სიმარტივემდე, ციფრების სისტემაში გადავიყვანოთ, სამყაროს გენიალურობა დადის ერთ მარტივ ციფრამდე, PHI (1,618) .
XIII საუკუნეში, იტალიელმა მათემატიკოსმა ლეონარდო ფიბანაჩიმ შეადგინა მათემატიკური პროგრესია, რომელშიც ყოველი მომდევნო ციფრი წინა ორი ციფრის ჯამის ტოლია. (1–1–2–3–5–8–13–21…) გარდა ამისა, მისი განსაკუთრებული მნიშვნელობა იმაშია, რომ მეზობელი ციფრების შეფარდებები მიისწრაფვიან PHI-სკენ(1,6). მცენარეების, ცხოველების და ადამიანების აგებულებაში იმდენად ხშირად ვხვდებით 1,618–ს, რომ ანტიკური ხანის მეცნიერებმა მას «ღვთაებრივი პროპორცია» უწოდეს.
მაგალითად, ფუტკრების სკაში მდედრების და მამრების რაოდენობა ყოველთვის დაბალანსებულია, მდედრი ფუტკრები რაოდენობრივად სჭარბობენ მამრებს, მაგრამ თუ მდედრების რაოდენობას გავყოფთ მამრი ფუტკრებისაზე, ყოველთვის, მსოფლიოს ნებისმიერი სკისათვის, შედეგად მივიღებთ 1,618–ს.
მანძილი თავის წვეროდან იატაკამდე, რომ გავყოთ მანძილზე ჭიპიდან იატაკამდე, ეს ნებისმიერი ადამიანისთვის იქნება 1,618.
ალბათ, ყველას გვინახავს პენტაგრამა, რომელსაც ბევრი კულტურა მიიჩნევს ღვთაებრივი და ჯადოსნური ძალის მატარებელ გამოსახულებად, მასში ყველა სეგმენტის შეფარდება PHI-ს ტოლია. თუ სწორად დავხაზავთ ამ სიმბოლოს, მაშინ წრფის მონაკვეთები ავტომატურად დაიყოფიან «ღვთაებრივი პროპორციის» მიხედვით.
ფიბონაჩის რიცხვების პროპორციები გვხვდება ბუნებაში, ცოცხალ ორგანიზმებში, მუსიკაში, არქიტექტურაში და "ვეფხისტყაოსნის" რითმწყობაშიც კი. (თუმცა ამის გარჩევა შორს წაგვიყვანს)
ატომის სტრუქტურები, დნმ-ის ჯაჭვი, მცენარეთა აგებულება, ტვინის ხვეულები, პლანეტების ორბიტები, გალაქტიკები, ბუნება ყველგან იყენებს ოქროს პროპორციას.
Recent Comments